Prizren, 10 tetor 2022
Në kuadër të vizitave nëpër klinika të QKUK-së dhe spitalet e përgjithshme, u.d. drejtoresha e përgjithshme e SHSKUK-së, Dr. Pranvera Zejnullahu Raçi, të hënën, ka vizituar Spitalin e Përgjithshëm” Prim. Dr. Daut Mustafa” në Prizren, ku është pritur nga drejtoresha ekzekutive, Dr, Narqize Arënliu Hoxhaj, dhe stafi menaxherial i spitalit.
Dr. Narqize Arënliu Hoxhaj, ka prezantuar punën dhe shërbimet që ofrohen në kuadër të spitalit, sukeset dhe të arriturat, por edhe vështirësitë dhe kërkesat më të domosdoshme, duke veçuar funksionalizimin e Laboratorin për kateterizim-Kardiologjisë Invazive, Sigurimin e Rezonancës Magnetike, Objektit për nëna dhe fëmijë dhe ashensorët.
Dr. Pranvera Zejnullahu Raçi, ka falëndëruar drejtoreshën, stafin menaxherial dhe gjithë punonjësit e Spitalit të Përgjithshëm” Prim. Dr. Daut Mustafa” në Prizren për punën, angazhimet dhe rezultatet e arritura, duke shprehur gatishmërinë dhe përkushtim për të përkrahur projektet dhe investimet për ofrimin e shërbimeve sa më të mira për qytetarin.
”Unë ju falënderoj për punën që jeni duke bërë. Do të angazhohem dhe do të jem e përkushtuar, që sipas mundësive buxhetore dhe infrastrukturës ligjore, të përkrah të gjitha investimet si në infrastrukturë, pajisje dhe burime njerëzore, me qëllim të ofrimit të shërbimeve sa më të mira shëndetësore, ngritjen e cilësisë dhe sigurisë së shërbimeve, si dhe besueshmërinë e qytetarëve që kërkojnë dhe marrin shërbimet shëndetësore në klinikat e QKUK-së dhe spitalet e përgjithshme”, – tha u.d. drejtotoresha e përgjithshme e SHSKUK-së.
Ajo kërkoj angazhim maksimal për ta funksionalizuar sa më shpejtë Laboratorin për kateteterizim-Kardiologjisë Invazive, sepse kjo do të jenë një e arritur e madhe për forcimin e spitaleve dhe që qytetari shërbimet shëndetësore t’i ketë sa më afër.
U.d. drejtoresha më pas ka vizituar hapësirat e Laboratorit për kateterizim-Kardiologjisë Invazive dhe disa njësi të Spitalit.
Lexo Komentet